20 მარტს, სომხეთისა და საქართველოს ნაკრებების პირველი შეხვედრა ვაზგენ სარგსიანის სახელობის სტადიონზე 21:00 საათზე დაიწყება. აღსანიშნავია, რომ ჩეხეთის წინააღმდეგ, 90+4 წუთზე მიღებული მეორე ყვითელი ბარათისა და დისკვალიფიკაციის გამო, გურამ კაშია და ხვიჩა კვარაცხელია პლეიოფის აღნიშნულ მატჩს გამოტოვებენ.
23 მარტს, დინამო არენაზე დაგეგმილი საპასუხო დაპირისპირების ყველა ბილეთი სრულად, დაახლოებით 8 საათში გაიყიდა. სრულადაა გაყიდული ერევანში ჩანიშნული შეხვედრის ყველა ბილეთიც, რომელიც ქართველი გულშემატკივრისთვის გამოიყო.
შეგახსენებთ, რომ საქართველოსა და სომხეთის ნაკრებების 2-რაუნდიან დაპირისპირებაში გამარჯვებული ერთა ლიგის B დივიზიონში იასპარეზებს.
ფეხბურთთან ახლოს #2 | რატომ უნდა დავრჩეთ B ლიგაში აუცილებლად - ჩემპიონთა ლიგის მთავარი ფავორიტები
