კარლოს ტევესმა თავისი საფეხბურთო კარიერის განმავლობაში არაერთ მსოფლიო დონის ფეხბურთელთან ითამაშა, თუმცა როდესაც საუკეთესო თანაგუნდელის დასახელება სთხოვეს, მისი არჩევანი პოლ სქოულზზე შეჩერდა.
არგენტინელმა ფეხბურთელმა ამის შესახებ რიო ფერდინანდთან ინტერვიუში ისაუბრა. ტევესის თქმით, სქოულზი განსაკუთრებული ფეხბურთელი იყო, რომელიც საკუთარ შესაძლებლობებს ვარჯიშზეც ნათლად აჩვენებდა.
ტევესს მანჩესტერ იუნაიტედში კრიშტიანუ რონალდუსთან უთამაშია, ნაკრებში კი ლეო მესისთან ერთად თამაშობდა.
მიუხედავად ამისა, არგენტინელმა ინგლისელი ნახევარმცველი გამოარჩია და კიდევ ერთხელ გაუსვა ხაზი მის საფეხბურთო ინტელექტსა და განსაკუთრებულ სათამაშო კლასს.
როგორც ჩანს, სქოულზის თამაშმა ტევესზე იმდენად დიდი შთაბეჭდილება მოახდინა, რომ მისთვის საუკეთესო თანაგუნდელის სტატუსი სწორედ მან დაიმსახურა.
