პირველი მატჩისთვის საკმაოდ თანაბარი დაპირისპირება ვიხილეთ. ოთხივე მეოთხედის განმავლობაში მატჩი ქულა-ქულაში მიმდინარეობდა, თუმცა შეხვედრის ბოლოსკენ, მინესოტამ მნიშვნელოვანი უპირატესობა მოიპოვა და სერიაშიც დაწინაურდა.
მატჩის MVP ენტონი ედვარდსი გახდა - 22 წლის ამერიკელმა 43 ქულა ჩააგდო, 7 მოხსნა შეასრულა და 3 შედეგიანი გადაცემაც გააკეთა. დენვერიდან გამორჩული ნიკოლა იოკიჩი იყო, რომელმაც 32 ქულა მოუპოვა საკუთარ გუნდს.
სერიის მეორე მატჩი ისევ დენვერში გაიმართება - 7 მაისს, თბილისის დროით 06:00 საათზე.
