MMA-ს ცნობილმა მწვრთნელმა, ფირას ზაჰაბიმ ხაბიბ ნურმაგომედოვის შესახებ ისაუბრა. მისი აზრით, მსუბუქი დივიზიონის ყოფილი ჩემპიონი ახლაც მწყობრშია და დაღესტნელი ვეტერანი ერთ საღამოს მოუგებდა როგორც ჯასტინ გეიჯის, ისე ილია თოფურიასაც.
"ვფიქრობ, MMA-ში ყველაზე წინ ხაბიბი არის. იმიტომ არა, რომ ის თავის დროზე იყო დიდებული, ვფიქრობ, ახლაც ყველას დაამარცხებდა. დღესვე მოუგებდა როგორც გეიჯის, ისე თოფურიასაც. მეტსაც გეტყვით, ორივეს დაამარცხებდა იგივე დღეს, ჯერ ერთ-ერთ მათგანს 5-რაუნდიან ჩხუბში, შემდეგ კი მეორესაც", - განაცხადა კანადელმა მწვრთნელმა.
შეგახსენებთ, რომ ქართველი ყოფილი ჩემპიონი MMA-ში 17 ბრძოლის განმავლობაში იყო დაუმარცხებელი, თუმცა შემდეგ მან თეთრ სახლში ამერიკელ ოპონენტთან წააგო. ჯერჯერობით უცნობია, თუ როდის დაბრუნდება ილია.
