გავლენიანი ბრიტანული გამოცემები საინტერესო ინფორმაციას ავრცელებენ — როგორც ცნობილი ხდება, ჩაბი ალონსოს გეგმებში ესტევაო დიდად არ შედის და ამას ბრაზილიელის სათამაშო დროც კარგად ადასტურებს. ახალგაზრდა ფეხბურთელი მიმდინარე სეზონში როტაციის მოთამაშედ იქცა და მოედანზე მხოლოდ 148 წუთის გატარება მოასწრო.
ზემოხსენებული წყაროების ინფორმაციით, ეს მოცემულობა 19 წლის ვინგერისთვის მიუღებელია და ბრაზილიელი იმედოვნებს, რომ უახლოეს პერიოდში არსებული სიტუაცია შეიცვლება და მისი სათამაშო დრო გაიზრდება.
ჩაბი ალონსო მიმდინარე სეზონში ძირითადად 3-4-2-1 სათამაშო სქემას იყენებს, სადაც ესტევაოს ადგილი ჯერჯერობით ვერ მოიძებნა. ფორვარდის უკან, ათიანის პოზიციაზე, კოულ პალმერისა და მორგან როჯერსის დუოს ვხედავთ, მარჯვენა ვინგ-ბექის პოზიციაზე კი პედრუ ნეტუს, ჟოვანი კენდასა და მალო გუსტოს უწევთ დიდწილად თამაში. ესტევაო კი ესპანელი სპეციალისტისთვის აშკარად ბოლო არჩევანია.
ბრიტანული პრესის ინფორმაციით, თუ ზამთრის სატრანსფერო ფანჯრის გახსნამდე არსებული სიტუაცია არ შეიცვლება, საკმაოდ დიდი შანსია, რომ ესტევაომ ჩელსი იანვრის თვეში დატოვოს. ბრაზილიელი ფეხბურთელის სიტუაციას სხვადასხვა კლუბები ყურადღებით აკვირდებიან, რაც იმას ნიშნავს, რომ უახლოეს კვირებში 19 წლის ფეხბურთელის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი.
